Бускетс објавува крај на романсата со Барса

Серхио Бускетс веќе решил да ја напушти Барселона и го информирал клубот за својата одлука, тврди шпанскиот весник „Марка“.

Договорот на 34-годишниот играч за врска истекува на крајот на сезоната, а Барселона сакаше да го задржи уште една сезона. Тренерот Чави настојуваше Бускетс да го продолжи договорот бидејќи смета дека може де биде многу важен за тимот и следната сезона.

Сепак, тој донесе одлука да го напушти клубот на крајот на сезоната, а тоа само дополнително ги засили шпекулациите дека кариерата ќе ја продолжи во Саудиска Арабија заедно со Меси.

Бускетс е дете на Барселона и цели 15 години ги помина во првиот тим на Каталонците.