Ван де Бек пак се повреди, нема да игра до крајот на сезоната

Манчестер Јунајтед веќе потврди преку менаџерот Ерик тен Хаг
дека Дони ван ден Бек нема да настапува до крајот на сезоната, а
причина е посериозна повреда на коленото која барала
оперативен зафат.
Холандскиот фудбалер нема да се врати на терените пред
почетокот на следната сезона, а дотогаш му следува долг процес
на рехабилитација.
Вечерва и самиот Ван де Бек преку социјалните мрежи испрати
порака до фановите.
„Навистина сум разочаран што сезоната е завршена за мене. По
успешната операција, време е да ја почнам рехабилитацијата и ќе
направам се за да се вратам посилен за овој клуб“, напиша
Холанѓанецот, кој не заборави да се заблагодари за многуте
пораки со поддршка.