Ван де Бек решен да остане во Евертон

Холандскиот фудбалер, Дони ван де Бек планира да ја продолжи својата кариера во екипата на Евертон.

Играчот пристигна во Евертон минатиот месец како позајмен играч од Манчестер Јунајтед, но веќе е решен да потпише постојан договор со „сините“ од Ливерпул доколку клубот избегне испаѓање од Премиер лигата.

Дони ван де Бек е презадоволен од новиот клуб и од тренерот Френк Лампард, кој најави дека тој ќе биде редовен првотимец во екипата, за разлика од периодот во Манчестер Јунајтед каде претежно беше резерва.