Ван Нистелрој ќе биде нов тренер на ПСВ Ајндховен

Поранешниот легендарен холандски напаѓач Руд ван Нистелрој ќе биде нов тренер на ПСВ Ајндховен. 

Договорот е со важност до 2025 година и ќе стапи на сила на почетокот од следната сезона, соопштуваат на официјалниот сајт на холандскиот клуб.

Актуелниот тренер Роџер Шмит ќе си замине од екипата на крајот од тековната сезона.

Ван Нистелрој  е дел од ПСВ од 2016 година. За ова време тој беше тренер на неколку младински и јуниорски тимови од Ајндховен. Тој во еден период беше и дел од стручниот штаб на репрезентацијата на Холандија.