Вардар во финишот го „скрши“ Алкалоид

Ракометарите на Вардар 1961 славеа против Алкалоид со 36-31 во дербито на 10 коло во Суперлигата, во натпревар со многу пресврти и неизвесност во најголемиот дел од второто полувреме.

„Црвено-црните“ подобро го отворија дуелот и поведоа со 7-4, но Алкалоид постепено се врати во игра. На полувремето се отиде крајно израмнето, 17-17, а во продолжението гостите успеаја и да израмнат и на 22-22. Сепак, домашниот состав ја презеде контролата во завршницата, направи серија од неколку голови и стигна до заслужена победа.

Најефикасен во Вардар беше Матео Фадуил со 11 погодоци од исто толку обиди, од кои осум од седум метри. Вукашин Воркапиќ постигна шест, а Леон Љевар пет гола. Кај Алкалоид, Никола Костески реализираше осумпати, Марко Митев постигна седум, а Урош Борзаш пет гола.

Натпреварот го одбележа и црвениот картон за Иван Џонов во 33. минута.