Велковски на крајот од сезонава заминува од Риека

Македонскиот фудбалски репрезентативец, Дарко Велковски, по завршувањето на сезонава дефинитивно ќе ја напушти екипата на Риека.

Велковски е член на хрватскиот клуб од 2018 година, а неговиот договор завршува овој јуни. Неговото заминување не е изненадување за спортската јавност, а оваа вест ја потврди и весникот „Спортске Новости“. 

Во текстот се најавува голема реконструкција на тимот на Риека, и се истакнува фактот дека македонскиот дефанзивец не се вклопува во идните планови на челниците на клубот.