Вест Хем – Манчестер Сити уште во првото премиерлигашко коло

Денес се одржа ждрепката за новата сезона во Премиер лигата. Шампионот на Англија, Манчестер Сити ќе ја започне одбраната на титулата со гостување кај Вест Хем на 7 август.

Најголемиот конкурент на „граѓаните“, Ливерпул сезоната ќе ја започне против новиот Премиерлигаш, Фулам и тоа на „Кревин Котиџ“ на 6 август.

Челзи ерата со новиот сопственик ќе ја започне со гостување кај Евертон. Тотенхем го пречекува Саутемптон, додека Арсенал му гостува на Кристал Палад.

Ерик Тен Хаг ќе дебитира на клупата на Манчестер Јунајтед на „Олд Трафорд“ против Брајтон.

Новата сезона ќе започне порано поради Мундијалот во Катар, на 6-7 август и ќе биде прекината на 13 ноември откако ќе се одиграат 16 кола. Сезоната ќе продолжи на „Боксинг деј“, само осум дена по завршувањето на Мундијалот.