Видал претставен во Фламенго, го доби дресот со број 32

Aртуро Видал сега и официјално има нов клуб откако Фламенго го објави потписот со халфот на слободен трансфер. Пред два дена тој се раздели со Интер каде ги мина последните две години и на 35 години се враќа во Јужна Америка.

„За некои тоа е сон, за други – ноќна мора. Дали се се превртува наопаку? Само реалност: Артуро Видал е во Фламенго!“, напиша прес-службата на „црвено-црните“ од Рио де Жанеиро.

Во својот нов тим Чилеанецот ќе игра со број 32 и дури беше претставен пред навивачите пред натпреварот против Атлетико Минеиро на турнирот во Купот на Бразил.