Винициус во 99. минута ја сруши Колумбија

Бразил забележа драматична победа над Колумбија во 13.коло, од јужноамериканските квалификации за пласман на Светското првенство.

Натпреварот на стадионот „Мане Гаринча“ во Бразилија, Бразил ја победи Колумбија со 2-1.

„Кариоките„ славеа со голот на Винисиус Жуниор постигнат во 99.минута. Претходно, Рафиња во шестата минута реализираше пенал за Бразил, а Луис Дијаз во 41. минута го изедначи резултатот.

Бразил со овој триумф се искачи на второто место на табелата, а Колумбија по четвртиот пораз во последните пет натпревари падна на шестата позиција.