Витиња од Брага се пресели во Марсеј

Олимпик Марсеј реши да инвестира сериозна сума во нов напаѓач, па го собори клупскиот трансфер рекорд во финишот на зимскиот преоден рок.

Францускиот прволигаш платил 32 милиони евра за Витиња, голгтерот на Брага, за кого се интересираа и многу побогати и поуспешни европски клубови.

Игор Тудор доби сериозно засилување во сезоната во која Марсеј има мало заостанување зад лидерот ПСЖ и амбициите се да биде обезбеден настап во Лигата на шампионите.

Португалскиот клуб ќе добие 10 проценти од следниот трансфер на 22-годишниот фудбалер, а интересно има опција и да го откупи договорот на Витиња за 70 милиони евра.