Владо Милев има нов клуб, ветеранот ќе игра во Унгарија

Потпретседателот на Одбојкарската федерација на Македонија, Владо Милев неодамна целосно се повлече од одбојкарскиот клуб Струмица кој го предводеше.

По разделбата со ОК Струмица на полусезоната, како играч и претседател, Милев најде старо нов ангажман во Унгарија.

Во следната полусезона ќе биде играч на унгарска Казинбарчика, клуб во кој настапуваше во периодот од 2017 до 2019, и освои две шампионски титули и еден куп-пехар.