Волкановски убеден во победа над Евлоев

Александар Волкановски е подготвен да ги замолчи сомнежите поврзани со неговата возраст, пред големиот шампионски дуел со непоразениот Мовсар Евлоев на УФЦ 333. Австралискиот борец со македонско потекло има 38 години, но верува дека искуството, физичката подготвеност и тактичката зрелост ќе му помогнат повторно да ја потврди својата доминација во перолесната категорија.

Негов противник ќе биде 32-годишниот Евлоев, кој има совршен професионален биланс од 20 победи без пораз. Русинот со години чекаше можност да се бори за шампионскиот појас, а сега конечно ќе ја добие својата шанса.

Волкановски, кој повторно ја освои титулата во 2025 година, веќе успешно ја одбрани против Диего Лопес, а сега го очекува еден од најголемите предизвици во актуелната фаза од кариерата. За Волкановски победата би значела уште една потврда за неговото место меѓу најголемите борци во историјата на категоријата. Главната борба на УФЦ 333 ќе се одржи на 24 октомври во Абу Даби.