Во Америка се случи еден од најлудите атлетски пресврти! (видео)

Американската колеџ атлетичарка Зија Холман, минатиот викенд на атлетскиот митинг во Мичиген го изведе еден од најлудите пресврти некогаш снимени со камера. Атлетичарката на Универзитетот од Мичиген, трчаше последна за својата екипа во штафетата 4х400 метри, а кога ја презеде палицата заостануваше четири секунди зад конкуренцијата, односно 25 метри. До крајот на првиот круг, Холман ја престигна претпоследната атлетичарка, а со фуриозен финиш стигна до првото место и славеше со половина секунда предност. Холман својата делница ја истрча за време 51.79 што би бил сериозен резултат во сениорска конкуренција.