Габриел Жесус ќе биде подготвен за дербито со Манчестер Јунајтед

Габриел Жесус ги обнови тренинзите, објави „Скај Спорт“. Бразилецот заработи повреда на коленото пред натпреварот во Комјунити Шилд на крајот на јули, по што беше подложен на мала медицинска интервенција. Оваа информација пред извесно време ја потврди и менаџерот на тимот Микел Артета.

„Тој е добро, очигледно беше многу разочаран од тоа што се случи бидејќи се чувствуваше добро и фит. Никој не го очекуваше овој сплет на настани, но тоа ја наложи оваа мала процедура. Тоа беше најдоброто што можевме да го направиме“, изјави Артета.

Сепак, тој најверојатно нема да биде достапен за лондонското дерби против Фулам викендов. Габриел Жесус најверојатно ќе биде достапен за патувањето кај Манчестер Јунајтед, кое ќе дојде непосредно пред репрезентативната пауза, каде ќе може да продолжи да ја подобрува својата кондиција.