Газдата на Сити ќе им ги плати трошоците на сите фанови за финалето на ЛШ

Сопственикот на Манчестер Сити, Шеикот Мансур, ќе ги покрие трошоците на фановите кои ќе го поддржуваат тимот во Португалија во финалето од ЛШ. Финалето беше преместено од Истанбул во Порто, па двата финалисти добија по 6.000 билети за своите фанови. Натпреварот ќе се одигра на 29-ти мај.
„Пеп и тимот одиграа фантастична сезона. Пласманот во финалето од Лигата на шампиони претставува историски момент за клубот. Затоа е многу важно колку што може повеќе фанови да присуствуваат на тој специјален меч. Особено тие кои го поддржуваат Манчестер Сити многу години во добро или лошо“, изјави сопственикот на Сити.