Галатасарај ќе биде новиот клуб на Лука Јовиќ

Лука Јовиќ како што стојат работите се уште е помеѓу останување во Фиорентина и трансфер во Галатасарај.

Турскиот гигант му нуди можност за играње во Лигата на шампионите и би пристигнал како замена за Мауро Икарди кој најверојатно заминува. Јовиќ во Фиорентина дојде без оштета, меѓутоа Фиорентина се обврза да им исплати на „кралевите“ 50% од неговиот следен трансфер.

Вредноста на српскиот напаѓач падна и според проценките на шпанските медиуми таа изнесува осум милиони евра. Тоа би значело дека Реал би инкасирал четири што е 15 пати помалку од она што го платија на Ајнтрахт кога го купија за 60 милиони евра.

Јовиќ во Реал Мадрид пристигна со големи очекувања, но никогаш не ги оправда вложените средства, па се пресели во Фиорентина каде што заигра нешто подобро.