Гати ќе добие нов договор во Јувентус

Фудбалерот, Федерико Гати, може да ја продолжи соработката со Јувентус, наведуваат денеска медиумите во Италија.

26-годишниот централен дефанзивец се наметна како главен столб во одбраната на „бјанконерите“. Неговиот договор е валиден до 2028 година но, „старата дама“ сака да му го продолжи за уште една или две години.

Гати беше донесен во Јувентус од екипата на Фросиноне во 2022 година за 9 милиони евра. Тој има одиграно 81 натпревар и постигнато 6 голови.