Гаја од Валенсија е првата трансфер желба на Барселона

Барселона нема пари за зимски трансфери, но веќе размислува за летната селекција на тимот. Шпанските медиуми пренесуваат дека Каталонците стапиле во контакт со Валенсија за да го потврдат интересот кон левиот бек Хосе Гаја. Барселона бара наследник на Жорди Алба, кој полека влегува во залезот на кариерата. Валенсија пак е спремна да го продаде Гаја за 15 милиони евра. Каталонците се надеваат да го продадат Жуниор Фирпо, за кого интерес покажува Милан и така да го финансираат трансферот на Хосе Гаја.