Голот со „ножички“ на Ричарлисон е избран за најубав на Мундијалот во Катар

ФИФА соопштува дека голот кој го постигна репрезентативецот на Бразил, Ричарлисон, во победата на својата селекција против Србија со 2:0, е избран за најубав гол на неодамна завршеното Светско првенство во Катар.

Репрезентацијата на Бразил своето учество на Мундијалот во Катар го заврши во четвртфиналето, кога беше елиминирана од Хрватска после изведување на пенали.