Гризман нестрплив го очекува финалето во Лига на нации

Францускиот напаѓач Антоан Гризман, со нетрпение го очекува финалето од Лигата на нациите.

Репрезентацијата на Франција за трофејот ќе се бори со Шпанија каде настапуваат неколку соиграчи на Гризман од екипата на Атлетико од Мадрид.

“Мораме да победиме, инаку Коке нема да престане да се шегува со мене. Сакам јас да бидам тој кој ќе се шегува со другите откако ќе ги победиме“, порача Гризман.

Франција се пласира во финалето откако со пресврт ја совлада Белгија со 3:2, а Шпанија го елиминира европскиот шампион Италија со 2:1.