Грин експресно си замина од Голден Стејт по инцидентот со Џордан Пул

Кошаркарот на Голден Стејт, Дрејмонд Грин реши да го напушти клубот откако пред неколку дена се степа со соиграчот Џордан Пул.

Медиумите прво ја објавија информацијата за тепачката, по што се појави и видео на кое може да се забележи дека Грин буквално го нокаутира неговиот соиграч.

„Видеото е срамно, не за мене, туку за Џордан и семејството. Направив грешка и му се извинив. Моја цел е да изградам доверба во соблекувалната. Јас сум човек со многу недостатоци, а на видеото излегов полошо од што мислев“, кажа Грин.