Грците открија скандал: Паје играл допингуван против ПАО

Грчките медиуми пренесуваат дека поранешниот репрезентативец на Франција, Димитри Паје играл допингуван во четвртфиналето од Конференциската лига, а УЕФА сето тоа го криела.

Медиумите во Грција пишуваат дека Паје паднал на допинг тест на 24 часа пред натпреварот против солунскиот гигант, но иако имал позитивен допинг-тест сето тоа било премолчено во Франција, па и во Нион. Така фудбалерот без проблеми играл во првиот натпревар на 7. април и во реваншот седум дена подоцна во Солун.

„Не ни е јасно зошто УЕФА молчи за скандалот. Ова е голем преседан, а како УЕФА постапува со малите екипи големи се шансите воопшто да не бидат казнети“, се жалат во Грција.