Гундоган го напушта Сити и ќе игра за Барселона?

Англиските медиуми пренесуваат дека фудбалерот од средниот ред на Манчестер Сити, Илкај Гундоган, одлучил да ја продолжи својата кариера во Барселона.

Германскиот репрезентативец има договор со Манчестер Сити до крајот на сезоната. Според медиумските објави, Гундоган веќе ги договорил личните услови со Барселона каде на лето би пристигнал како слободен играч без обештетување.

32-годишниот Гундоган е член на Манчестер Сити од 2016.година кога пристигна од редовите на Борусија Дортмунд. Тој за Манчестер Сити има одиграно 279 натпревари, и постигнал 51 гол.