Дански Алборг е новиот клуб на Александар Трајковски

Александар Трајковски си заминува од Мајорка и се сели во најсилниот дански фудбалски шампионат.

Нашиот напаѓач не беше во плановите на тренерот на шпанскиот прволигаш Луис Гарсија Плаза, па тоа беше јасен знак дека треба да си побара нова средина.

Според информациите до кои дојде „Дерби“ , вториот најефикасен играч во историјата на македонската репрезентација ќе потпише за четирикратниот дански шампион Алборг.

Станува збор за позајмица до крајот на актуелнава сезона при што поголемиот дел од неговата плата ќе ја покрива Мајорка.