Дарио го собори националниот рекорд на 10.000 метри

Нашиот најдобар атлетичар, Дарио Ивановски, повторно испиша историја! Денеска во рамките на атлетските натпревари од Купот на Македонија на Националната арена во скопје, Ивановски испиша нова златна страница во македонската атлетика – поставувајќи нов национален рекорд на 10.000 метри со феноменално време од 29:07.94 минути.

Со неверојатна леснотија, сигурен чекор и шампионски дух, Дарио буквално леташе по патеката – пишувајќи нови стандарди за македонската атлетика.

Втрото место му припадна на Димитар Илиев, додека трет на подиумот се најде уште еден наш успешен натпреварувач на долги патеки, Жан Тосев.