Дванаесет федерации се противат на идејата за Мундијал на секои две години

Повеќе од 12 национални фудбалски асоцијации ја известија УЕФА за нивните планови да се повлечат од ФИФА која сака Светското првенство на секои две години.

Според изворот, евентуалното повлекување од Светската фудбалска асоцијација (ФИФА), нема да влијае на учеството на клубовите и репрезентациите на турнирите под покровителство на европската федерација.

Претходно, ФИФА ги извести националните федерации за плановите за одржување на Светското првенство на секои две години, почнувајќи од 2026 година.

Од 1930 година, Мундијалите се одржуваат на секои четири години, со исклучок на 1942 и 1946 година поради Втората светска војна.

Претстојните турнири ќе се одржат во Катар (2022 година), како и во Канада, Мексико и САД (2026 година).