Деко: Не жалам за мојата одлука околу Чави

Спортскиот директор на Барселона Деко изјави дека не жали за неговата одлука да ја отпушти легендата на тимот Чави Ернандез од тренерската позиција.

„Заминувањето на Чави не беше лесно бидејќи ја освои лигата. Тој дојде во тежок момент за клубот, преземајќи сериозен предизвик, но минатата сезона беше тешка во секој поглед и затоа решивме дека најдобро е да направиме промена на клупата“, изјави Деко.

„Не жалам за ништо бидејќи секогаш зборувам лице в лице. Секогаш ги кажувам работите во кои верувам и мислам во моментот. Чави секогаш ќе биде мој пријател и важна личност за мене“, додаде Деко.