Дел Пјеро: Новите засилувања ќе го трансформираат Јувентус

Легендата на Јувентус, Алесандро Дел Пјеро, верува дека Душан Влаховиќ и Денис Закариа ќе ја трансформираат екипата во позитивна смисла.

Двајцата фудбалери пристигнаа во Торино во јануарскиот преоден рок. Влаховиќ пристигна од Фиорентина за повеќе од 70 милиони евра додека Закариа беше купен од Борусија Менхенгладбах за 8 милиони евра.

„Влаховиќ има неверојатни квалитети и е многу добро физички подготвен. Ако ја продолжи формата што ја имаше во Фиорентина, ќе биде добро за тимот. Може да постигне гол на секој начин. Овие промени можат да го трансформираат Јувентус, да донесат ентузијазам и чувство на сила во сопствениот потенцијал“, изјави Дел Пјеро.