Дембеле повторно повреден

Играчот на Барселона, Французинот Осман Дембеле повторно заработи повреда на бутниот мускул, соопштуваат официјалните лица од клубот.

Во соопштението не се наведува периодот до кога Дембеле ќе отсуствува од теренот бидејќи тоа ќе зависи од процесот на опоравување.

24-годишниот играч неодамна се врати во тимот на Барса после пет месечна пауза поради повреда со која се здоби за време на Европското првенство играјќи за репрезентацијата на Франција.