Депај ја менува Барселона за Јувентус

Холандскиот напаѓач во редовите на Барселона, Мемфис Депај, би можел да го напушти клубот овој месец и да премине во Јувентус.

Според информациите од Торино, тренерот на „црно-белите“ Алегри, веќе побарал од раководството да му обезбеди замена за повредениот Федерико Киеза кој најверојатно ќе ја пропушти целата сезона.

27-годишниот Депај пристигна во Барселона како слободен играч од Лион и на почетокот од својот престој на „Камп Ноу“ прикажуваше одлични партии, меѓутоа после повредата која го оддалечи од теренот тој го загуби статусот на првотимец во тимот на тренерот Чави.