Дешамп направи „бум“ со враќањето на една легенда за ЕП

Селекторот на Франција, Дидие Дешамп го објави списокот на играчи на кои ќе смета за претстојното Европско првенство. Актуелниот првак на светот, според анкетите е и прв фаворит за освојувањето на европската круна. Имено, по цели шест години на списокот на повикани се најде и напаѓачот на Реал, Карим Бензема.
Бензема игра во животна форма и е еден од клучните играчи на Реал Мадрид. Поради тоа, Дешамп е подготвен да го заборави скандалот со Валбуена и се што се случуваше потоа.
Бензема за Франција од 2007. до 2015. година одигра 81 натпревар и постигна 27 голови. Во 2016. година, Францускиот фудбалски сојуз не го повика Бензема за Европското првенство во Франција, а напаѓачот изјави дека Дешамп подлегна на притисокот на расистите кои го водат францускиот фубал. После таа изјава, никогаш веќе не беше повикан за репрезентацијата.