Дибала под знак прашалник за дуелот против Лацио

Напаѓачот на Јувентус, Пауло Дибала е под знак прашалник за натпреварот против Лацио во Серија А овој викенд.

Репрезентативецот на Аргентина заработи повреда на коленото на натпреварот од квалификациите за СП против Уругвај кој се одигра минатата недела. 

Дибала поради повредата го пропушти мечот со Бразил и се врати во Торино на медицински прегледи по што од медицинскиот тим на Јувентус ќе треба да одлучат дали тој ќе може да настапи против Лацио во сабота.