Дибиров открива кој го убедил да замине во Загреб

Рускиот ракометар Тимур Дибиров кој беше член на Вардар девет години, во новата сезона ќе игра за хрватскиот шампион ППД Загреб.

Дибиров откако пристигна во Загреб за медиумите открил дека пред да ја донесе одлуката за новиот клуб имал разговор со неговиот поранешен соиграч од Вардар Иван Чупиќ кој успеал да го убеди да му се придружи во ППД Загреб.

„Кога добив повик од Чупиќ и ми објасни за плановите на клубот, решив да бидам дел од проектот на ППД Загреб. Верувам дека екипата има сили за да биде конкурентен со сите противници во Лигата на шампионите“, изјави Дибиров.