Дибиров се предомисли и ќе игра во Вардар и следната сезона

Ракометниот клуб Вардар 1961, објави вест која ќе ги израдува фановите на клубот. Имено, според информациите, Русинот Тимур Дибиров останува во екипата најмалку до јуни 2023 година, со можност за продолжување на соработката.

Дибиров е еден од најискусните играчи во Вардар и ракометар со најдолг стаж во екипата. Тој е миленик на ракометната публика и вистински лидер на тимот.

„Среќен сум што останувам во Вардар. Не можзам да се замислам да играм за друг клуб и во друг дрес. Им благодарам на сите за поддршката. Се договоривме со клубот за продолжување на соработката и заедно да постигнуваме добри резултати како и досега“, изјави Дибиров.