Директорот на Јуве заминува во Астон Вила

Маурицио Сканавино, кој е извршен директор на Јувентус, ја потврди разделбата со Франческо Калво кој ќе го напушти клубот бидејќи треба да биде назначен за извршен директор на Астон Вила.

„Тој изрази желба да се соочи со нови професионални предизвици. Закажавме состанок за да му овозможиме да заврши значајни комерцијални и институционални обврски“, изјави Сканавино.

Тој исто така увери дека клубот продолжува да има доверба во спортскиот директор, Кристијано Џунтоли, иако „старата дама“ има лоша сезона.