Ди Марија пред продолжување на соработката со Јуве

Аргентинскиот фудбалер Анхел Ди Марија е блиску до нов договор со Јувентус. Преговорите меѓу двете страни се во напредна фаза и речиси е сигурно дека аргентинскиот крилен напаѓач ќе остане во клубот од Торино и следната сезона.

Треба да се разјаснат уште некои детали, но веројатно нема да бидат проблем. Желбата на самиот фудбалер е да продолжи да го носи дресот на Јувентус, без оглед на информациите дека постои опција да се врати во Шпанија и да потпише со Атлетико Мадрид.

Светскиот шампион најверојатно ќе го продолжи договорот со Јувентус до летото 2024 година. Во тековната сезона има 24 натпревари и 8 гола во Серија А, а има и 7 асистенции при своите настапи.