Државата ги награди спортските легенди на Македонија

Министерството за спорт и Владата на Република Македонија одржаа свечена церемонија на која беа доделени Национални признанија на најуспешните македонски спортисти.

Министерот Борко Ристовски и премиерот Христијан Мицкоски им дадоа признанија на повеќе спортски имиња кои оставија или оставаат трага во македонскиот спорт.

Со национално спортско признание за врвни достигнувања во спортот ќе се стекнат:

– фудбал: Горан Пандев, Дарко Панчев, Илија Најдоски
– кошарка: Петар Наумоски, Перо Антиќ
– ракомет: Кирил Лазаров, Стојанче Стоилов, Владо Недановски, Петар Ангелов, Марко Кизиќ, Марко Мишевски, Мартин Поповски, Валентина Радуловиќ, Елена Ѓорѓиевска, Индира Кастратовиќ, Гордана Нацева, Мирјана Чупиќ, Милева Велкова, Анжела Платон, Лариса Кисељова, Елена Златановска Муратовска, Клара Боева.

Сите добитници во минатото оставија огромен белег во екипните спортови, беа на високо ниво во своите клупски кариери, но воедно и ја претставуваа Македонија на најубав можен начин преку националните репрезентации, со што добија легендарен статус во нашето општество.