Евертон пред радикална одлука: Бенитез ќе добие отказ

Во Евертон сериозно размислуаат за отказ за Рафа Бенитез поради слабата игра на тимот во претходниот период.

Капката која ја прели чашата е дебаклот од градскиот ривал Ливерпул (1-4), а какво разочарување беше овој натпревар за навивачите покажуваат снимките на кои може да се види како навивачите го напуштаат „Гудисон Парк“ после 20 минути кога Евертон губеше со 0-2.

Лошата форма на Евертон трае од септември. Од тогаш запишаа само една победа и тоа против Норвич, два пати одиграа нерешено и редеа порази. Од последните седум натпревари Евертон изгуби дури шест.

Таквите резултати се сигнал до управата на „карамелите“ да го отпушатат Бенитез, па тоа би можело многу брзо да се случи. Медиумите на Островот пишуваат дека раководството одржало состанок после вчерашниот пораз и прашање е дали Бенитез ќе има прилика да го води тимот во наредното коло против Арсенал за викендот.