Европските гиганти подготвуваат нова офанзива на Виктор Ѓокереш

Шведскиот голгетер Виктор Ѓокереш игра неверојатен фудбал и со тоа го привлече вниманието на многу великани. Сезонава на 42 натпревари постигна неверојатни 43 погодоци и асистира 11 пати до соиграчите.

26-годишникот има договор со Спортинг и неговата цена за продажба изнесува 75 милиони евра, колку што се проценува и неговата вредност според „Трансфермаркт“. Ѓокереш зимава остана во португалскиот тим, меѓутоа налето му се смешка трансферот на кариерата.

Поранешниот фудбалер на Бромапојкарна, Брајтон, Свонси и Ковентри е член на Спортинг од 2023 година, кога за него Рубен Аморим плати 24 милиони евра.

Сега клубот се очекува да заработи три пати повеќе, а останува да видиме каде Ѓокереш ќе заврши. Најсериозни во трката за потпис со Швеѓанецот се Манчестер Јунајтед и неговиот екс-тренер Аморим, како и Арсенал кому му фали вистински напаѓач, а тука е и Баерн Минхен кој во Ѓокереш го гледа решението за иднината во нападот.