Елмас: Наполи има квалитет за освојување на Скудетото

Македонскиот фудбалски репрезентативец, Елиф Елмас, има мислење дека екипата на Наполи игра во одлична форма и дека тренерот Спалети и соиграчите ќе се обидат да стигнат до титулата во Серија А.

Наполи на домашен терен ја пречекува Фиорентина, а претходно славеше победа на Аталанта во Бергамо.

„Одигравме тежок натпревар во Бергамо, но игравме во наш стил и успеавме да ги освоиме бодовите. Како екипа сакаме да победиме на сите натпревари до крајот на првенството, и јас верувам дека поседуваме квалитет и сме водени од одличен тренер со кого можеме да стигнеме до титулата“, изјави Елмас за италијанските медиуми.