Еурофарм Пелистер го претстави новиот стручен штаб

Раководството на македонскиот ракометен вицепрвак, Еурофарм Пелистер, го претстви новиот стручен штаб кој беше назначен после отказот на сега веќе поранешниот тренер, Данецот Ларс Валтер.

Битолскиот клуб до крајот на сезоната од клупата ќе го водат Александар Јовиќ како главен тренер и Звонко Шундовски, кој е поставен за стручен тим-менаџер на тимот.

На своето прво претставување пред играчите на екипата, Јовиќ и Шундовски потенцираа дека цел на клубот е освојување на двојната круна во домашното првенство, и пласман на фајнал-фор од СЕХА лигата.

Свое обраќање пред тренерите и играчите имаше и првиот човек на клубот, Зоран Стерјев.