ЕУРО2020 – 01. Австрија одблиску
Австрија има генерација на ѕвезди и двапати ни одржа лекција во 2019 година Австриската Фудбалска Асоцојација е формирана на 18 март 1904, во тогашна Австроунгарија. Тимот бележеше големи успеси во 30-титегодини од минатиот, под водство на тренерот Хуго Меисл, станувајќи најдобра екипа во цела Европа и го добија прекарот „Вундертим“. На 16 мај 1931 година, тие беа првата европска екипа која ја победила Шкотска.
На Светското Првенство во 1934 година, Австријците беа четврти, губејќи со 1-0 во полуфиналето од Италија и со 3-2 од Германија во натпреварот за третото место. После Втората светска војна, Австрија се оддели од Германија. Австрискиот најдобар резултат дојде во 1954 година, кога загубија во полуфиналето со 1-6 од подоцнежниот шампион Германија, но завршија трети со победата над актуелниот шампион Уругвај со 3-1. Ова беше нивен најдобар резултат, но за жал тоа беше и нивното последно појавување во последната фаза на главните турнири.
Оваа Австрија ги има Алаба. Сабицер и Арнаутовиќ како најголеми ѕвезди, а во минатиот циклус квалификации двапати ја совлада Македонија (1-4 во Скопје и 2-1 во Виена).
Македонија – Австрија 1-4 11 јуни 2019
Македонската репрезентација загуби од Австрија со 1-4 (1-1) на натпреварот од 4. коло од квалификациите за Европското првенство. Австрија доминираше во текот на целиот дуел и заслужено ги освои трите бода од пресметката на Националната арена во Скопје. Уште на почетокот гостите тргнаа со сите сили по водечки гол. Во првата минута, нашиот Димитриевски чудесно спасуваше по ударот на Арнаутовиќ. Голманот на нашата селекција спасуваше уште во најмалку три изгледни прилики за гостите во првиот дел. Во 18. минута австријците си постигнаа автогол за водство од 1-0. Хинтерегер со глава ја погоди сопствената мрежа. Во тие моменти ние имавме одлична прилика преку Горан Пандев за 2-0, но капитенот не реализираше.
Сепак до полувреме, Австрија успеа да израмни преку Лазаро во 39. минута. Гостите во 44. минута преку Сабитцер ја погодија и стативата од голот на Димитриевски.
Во второто полувреме, Австрија наметна уште посилен ритам, а сето тоа резултираше со три гола во мрежата на македонската репрезентација.
Арнаутовиќ од пенал донесе водство за Австрија од 1-2, капитенот на Австријците во 82. минута со својот втор гол ја потврди победата, а конечните 1-4 го постави Лејкерси во 86. минута.
Австрија – Македонија 2-1 (1-0) 19 ноември 2019 година
Репрезентацијата на Македонија претрпе минимален пораз од 2-1 на гостувањето кај Австрија во Виена, во претпоследниот натпревар од квалификациите за Европското првенство. Со отсуство од повеќе стандардни првотимци поради повреди и суспензии со картони, Македонија која го почна натпреварот со двајца дебитанти, Марио Младеновски и Тихомир Костадинов, а влегоа и Влатко Стојановски и Даниел Аврамовски, не остави лош впечаток и на крајот со малце повеќе среќа можеше да го избегне поразот.
Натпреварот не можеше да почне полошо откако домашните поведоа со 1-0 уште во осмата минута кога Давид Алаба ја следеше добро акцијата и успешно избегна една офсајд замка и погоди за водство на Австрија, а малце потоа Трајковски мораше да ја напушти играта поради повреда. Домашните во продолжение создадоа уште неколку прилики за гол, но со добри интервенции спасуваше Димитриевски. Нашиот голман во исто издание го започна и вториот дел кога ја одбрани одлично „бомбата” на Марсел Сабицер. Сепак, во продолжение по корнерот, Штефан Лајнер го зголеми водството на Австрија на 2-0. Енис Барди во 50. минута имаше одличен обид кога директно од корнер шутираше во голот со големо ефе, но Александер Шлагер спаси во последен момент. Најубавата шанса за Македонија ја имаше Влатко Стојановски во 74. минута кога шутираше од 15 метри за малку крај домашниот дирек. Две минути подоцна, голманот Александер Шлагер спаси погодок за Македонија со одлична интервенција после ударот со глава на Влатко Стојановски. Сепак во самиот финиш, Влатко Стојановски успеа да погоди за конечни 2-1.
