Жил Кунде е нов фудбалер на Барселона

Од Барселона соопштуваат дека клубот постигна договор со Севиља околу трансферот на Жил Кунде.

23-годишниот француски дефанзивец е веќе во Барселона, и својот договор со каталонскиот клуб ќе го потпише веднаш после лекарските прегледи.

Барселона засега не ја открива должината на договорот, ниту висината на трансферот.

Шпанските медиуми наведуваат дека фиксниот дел од обештетувањето ќе изнесува околу 50 милиони евра, плус 10 милиони во бонуси.