Жоао Педро е првото засилување на Брајтон за следната сезона

Англискиот премиерлигаш Брајтон објави дека постигнале договор со Бразилецот Жоао Педро кој според информациите од Островот пристигнува за сума од 30 милиони фунти.

Станува збор за напаѓач кој има 21 година и потекнува од школата на Флуминенсе, а во Англија дојде во 2020 година кога потпиша за Вотфорд. За овој тим постигна 23 гола на 104 натпревари.

„Со задоволство можеме да објавиме дека го договоривме трансферот на напаѓачот Жоао Педро од Ватфорд“, потврди премиерлигашот. Покрај Жоао Педро, на големо се шпекулира дека следно засилување за Брајтон ќе биде Џејмс Милнер на кого му истекува договорот со Ливерпул.