Жоао Феликс игра за минималец во Барса, но ќе добие голем бонус

Жоао Феликс ова лето пристигна во Барселона и прифати да игра за многу мала плата.

Досега не се споделуваше колкава е „жртвата“ на Португалецот, но оваа информација ја сподели потпретседателот, Едуард Ромеу.

„Точно е. Феликс се сложи на драстично намалување на платата за да биде тука. Тој заработува 400.000 евра годишно. Споредено со другите ѕвезди во светскиот фудбал, на играчите им се исплаќаат слични суми како неделна плата“.

Меѓутоа, Барселона ќе го награди за лојалноста и во јануари планира да ослободи буџет за плати. Клубот ќе ги корегира неговите примања и во иднина тој ќе има 10 пати поголема плата, или околу 4 милиони евра бруто.