Заврши сезоната за Колмбиецот Кабал од Јувентус

Фудбалерот на Јувентус, Хуан Кабал, ги искина лигаментите на коленото и ќе мора да оди на операција. Тоа значи дека „старата дама“ остана без уште еден значаен дефанзивец до крајот на сезоната.

-Денеска играчот Хуан Кабал беше подложен на дијагностички тестови кои открија кинење на предните вкрстени лигаменти на левото колено“, се вели во соопштението на италијанскиот состав.

23-годишниот фудбалер кој набрзо ќе биде опериран, практично ја заврши сезоната.