Занети откри дека Интер преговарал со Меси по заминувањето од Барса

Лионел Меси веќе некое време преговара со ПСЖ за продолжување на соработката која почна пред 18 месеци, но има и такви страни кои се уште се навраќаат на летото во кое Аргентинецот шокантно си замина од Барселона.

Долгата врска меѓу Меси и Барселона прекина во 2021-ва година и ПСЖ беше најбрз и најдиректен во комуникацијата со претставниците на Лео, иако имало и други страни кои биле заинтересирани за потписот на аргентинскиот капитен.

„Бев навистина изненаден кога излезе информацијата дека Меси си оди од Барселона. Ние не можевме да се носиме со ПСЖ или клубовите од Премиер лигата, но поради нашиот однос, зборувавме дали постои шанса за премин во Интер“, открива Занети.