Зидан го изостави Азар за „Ел Класико“ дуелот со Барса

Зинедин Зидан го објави списокот од 19 играчи на кои ќе смета на денешното „Ел Класико“ против Барселона. Времето на започнување на натпреварот е 21:00 часот.
Белгискиот интернационалец Еден Азар не е меѓу избраните од страна на тренерот, иако денес тренираше на исто ниво со соиграчите. Најверојатно, тимот не сака да брза со неговото враќање во игра, за да не доведе до нова повреда на Белгиецот.
Можеби ќе биде подготвен за реваншот со Ливерпул во четвртфиналето од Лигата на шампионите. Другите отсутни, очекувано, се тројцата дефанзивци, капитенот Серхио Рамос, Рафаел Варан и Даниел Карвахал.