Зомер е блиску до заминување од Менхенгладбах

Голманот на швајцарската фудбалска репрезентација, Јан Зомер, е блиску до заминување од Борусија Менхенгладбах и преселба во Манчестер Јунајтед, каде би бил замена за Давид де Хеа.

Договорот на Швајцарецот со клубот од Германија, истекува на крајот од оваа сезона, што значи дека тој ќе може да преговара со други заинтересирани клубови веќе од јануари.

Зомер со селекцијата на Швајцарија се пласира во осминафиналето на СП во Катар, каде ќе игра против селекцијата на Португалија.