Зоран Савиќ го напушти Партизан по кризата на евролигашки резултати

Кошаркарскиот клуб Партизан официјално соопшти дека го прекина оговорот со спортскиот директор Зоран Савиќ.

Во соопштението клубот му се заблагодари на Савиќ за неговиот придонес во изминатите години.

Савиќ беше дел од клубот од 2021 година и за тоа време Партизан оствари значајни успеси, како пласирање во Евролигата, две титули во АБА лигата и титула шампион на Србија. Како спортски директор, тој беше задолжен за креирање на ростерот, доведување нови играчи и други одлуки во спортскиот сектор.

Одлуката за неговото разрешување доаѓа кратко по заминувањето на тренерот Жељко Обрадовиќ, а дел од медиумите и поранешни тренери сметаа дека освен тренерот, и спортскиот директор треба да ја понесе одговорноста за резултатите на клубот.